Բնապահպանական ահազանգ :)
tree
mna990
Մի քանի օր առաջ, երբ օֆիսի մոտ անհասկանալի բնապահպանական միջոցառում/էտում/հատում էր իրականացվում հասկացա որ չկա մի տեղ ուր հավաքված լինեն բոլոր այն համարները որոնցով կարելի է զանգել, եթե ականատես եք կանաչ տարածքի ավիրման

Բնավիրման նախարարության թեժ գիծ/աշխատում են 9-6, ընդմիջում 1-2/ 51 91 82 կամ 52 38 35

Տեսչություն 52 37 99, 56 74 24
Սուրեն Մաքսապետյան, գլխավոր դենդրոլոգ 51 41 88, 091 67 88 00


Իսկ Ձեզ shopping-ից բացի այլ բան հետաքրքրու՞մ է
tree
mna990
Ինչքան հասկացա երեկվա Cosmopolitan Night-ը շատ հաջող է անցել, մինչև  ուշ գիշեր խանութներում շաաա~տ մարդիկ են եղել:  Իսկ դուք գիտե՞ք, որ Երևանի խանութներում աշխատող երիտասարդ աղջիկների մեծամասնությունը չունի աշխատանքի պայմանագիր, հետևաբար նրանց հասանելի չեն նաև աշխատանքային օրենսգրքով նախատեսված իրավունքները: Մինիմալ աշխատավարձ, արձակուրդի և հանգստի հնարավորության բացակայություն, հիվանդության պատճառով աշխատանքի  չգալու մասին չեմ էլ ասում…չէ որ այսօրվա սոցիալ-տնտեսական պայմաններում շատ հեշտությամբ հենց այդ աղջիկներին կարելի է փոխարինել ուրիշներով…
 
Երեկ երեկոյան էլ, մինչև ուշ գիշեր մեծամասամբ աշխատել են առանց հավելյալ վճարի… սա հստակ գիտեմ, քանի որ ընկերուհիս հատուկ հարցում է կատարել ու պարզել:
 
Ահա և Ձեզ «խենթ հյուրասիրությունների, հետաքրքիր անակնկալների ու զեղչերի» հակառակ կողմը… 

3.4 միլիարդ արտաքին պարտք
tree
mna990
 
Հետաքրքիրա, երբ  սա  կսկսի անհանգստացնել ժողովրդին

Թե ինչ եղավ հետո, երբ Տիգրան Սարգսյանը դարձավ բնության պաշտպան…
tree
mna990
Երեկ Երևանի Պարոնյանի անվան երաժշտական կոմիդիայի թատրոնում տեղի ունեցավ բնության պաշտպանությանը նվիրված համերգ` Վարչապետ Տիգրան Սարգսյանի հովանու ներքո: Ստորև կարող եք կարդալ մեր խմբի հայտարարությունը ... 

Այս առիթով հարկ ենք համարում հարգանքի տուրք մատուցել «մեծ բնասեր» Տիգրան Սարգսյանի բնապահպանական գործունեությանը:

Հիշեցնենք, որ նրա վարչապետության տարիներին Հայաստանում աննախադեպ զարկ է տրվել հանքերի շահագործման ծրագրերին` հարյուրավոր հեկտար անտառներ կտրելու, միլիոնավոր տոննա թունավոր թափոններ տեղակայելու, ջրերն աղտոտելու, հազվագյուտ բուսական ու կենդանական տեսակներ վնասելու և ոչնչացնելու հաշվին:

1. Չնայած բնապահպանների և հազարավոր քաղաքացիների բողոքներին և Միավորված ազգերի կազմակերպության (ՄԱԿ) Եվրոպայի տնտեսական հանձնաժողովի Օրհուսի կոնվենցիայի համապատասխանության կոմիտեի բացասական եզրակացությանը որոշումների ընդունման գործընթացների ոչ պատշաճ լինելու և տվյալ կոնվենցիայի պահանջների խախտման վերաբերյալ` ՀՀ կառավարությունը շարունակում է հովանավորել Թեղուտի պղնձամոլիբդենային հանքի շահագործման ծրագիրը: Հիշեցնենք, որ այս ծրագրի արդյունքում Լոռու մարզում ոչնչացվում է պաշտոնական տվյալներով 357 հա, իսկ մասնագետների կարծիքով ավելի քան 1000 հա անտառ, բազմաթիվ հազվագյուտ կենդանական և բուսական աշխարհի տեսակներ, գետեր, առաջանում է ստորգետնյա ջրերի թունավորման մեծ վտանգ և այլն:

2. Սյունիքի մարզում շարունակվում են ուրանի արդյունահանման համար երկրաբանահետազոտական աշխատանքները` չնայած տեղի բնակչության և բնապահպանական կազմակերպությունների բողոքներին:

3. Հրազդանում նախատեսվում է երկաթի հանքերի շահագործում` վտանգի ենթարկելով զբոսաշրջության համար կարևոր այս տարածաշրջանի չքնաղ բնությունը և Հրազդան գետի ավազանը:

4. Անօրինական կերպով շարունակվում է Սոթքի հանքավայրի շահագործումը` արհամարհելով Կովկասի քաղցրահամ ջրի ամենամեծ պաշարի` Սևանա լճի թունավորման վտանգը:

5. Օրակարգից չի իջնում Կապանի պղնձամոլիբդենային հանքի բաց շահագործման նախագիծը, որն ուղեկցվելու է հազարավոր ծառերի հատումով, բնակչության առողջության համար առավել մեծ վտանգներով:

6. Նախատեսվում է շահագործել Սվարանցի երկաթի հանքավայրը` վտանգի տակ դնելով Հարավային միջանցքի ծրագրով նախատեսվող զբոսաշրջության զարգացման հեռանկարը:

Այսքանը միայն հանքարդյունաբերության մասով… Ցանկը շարունակելի է…

ՀՀ վարչապետ Տիգրան Սարգսյանն արհամարհում է Հայաստանի բնակչության, բնապահպանների ու մասնագետների կարծիքներն ու բողոքները և հանդես գալիս որպես կեղծ բնապաշտ:
Թեղուտի պաշտպանության խումբ

ջղայն
tree
mna990
 Մեկ մեկ մտածում եմ, որ ուղեղս կպայթի, միլիոնավոր մանր մասերի կբաժանվի մարդկանց հիմարությունից... 

հենց նենց
tree
mna990
Երեկ ինչ որ ահավոր պրոդուկտիվ օր էր մոտս` լիքը միջոցառումներ, հանդիպումներ, քննարկումներ... որի արդյունքում լիքը դեպրեսիվ մտքեր նրա մասին թե ուր ենք մենք գլորվում(կամ արդյոք գլորվում ենք, թե պարզապես արդեն էլ տեղ չկա)... ինչեն անում մեր քաղաքի ու երկրի հետ ու ինչի ենք մենք մեծամասամբ ձեռքները ծալած նստած  ամեն ինչին նայում... ու մտածում եմ ինչ լավա ՖԲ-ն փակա մոտս,  նեգատիվ ինֆորմացիայի հոսքը ինչ որ չափով քչացելա... : Մի խոսքով, ԲԱՐԼՈՒՍ ! ու ով որ այսօրվա եղանակը չի հավանում, կյանքից բան չի ջոկում, այ տենց :Ճ

Լայնածավալ ծառահատում Սևանում
tree
mna990
 Սևանում ծառեր են կտրում` հանրային լողափ կառուցելու համար:  Նոր զանգեցի բնապահպանության նախարարության թեժ գիծ, որ մանրամասները ճշտեմ: Պարզվեց հետևյալը` բնապահպանության նախարարության աշխատակիցները դեպքի մասին տեղեկացել են մամուլից (լավա գոնե ինչ որ բան կարդում են, թե չէ ամեն ինչից բեխաբար կլինեին) ու իրենք էլ չգիտեն նախարարի հրահանգով են ծառերը հատվում թե ոչ:  Պարզաբանումները կարող են լինել միայն օրվա վերջում: այ սենց օպերատիվ են աշխատում մեր ամենա սիրելի բնավիրման նախարարությունում:  

Իսկ որ օրվա ընթացքում կարելի է Սևանի ամբողջ ափը «անպետք»,«տարածքը զավթած» ծառերից մաքրել ... էտ հեչ:

Խնդրում եմ զանգեք թեժ գծի հետևյալ համարներով  51 91 82, 52 38 35 ու պարզապես դավադիտ արեք աշխատակիցներին որ տեղից շարժվեն: 

Պանիկայի ու հանգստության մասին
tree
mna990
 Հերիք էր, որ մի թեթև դեղնա-մշուշոտ օդ նկատվեր Երևանում միանգամից բոլորը խանռվեցին իրար` ատոմակայանի հետ խնդիրներ, բան ման ... ժողովուրդ, դուք չէ՞ք հիշում, որ անցած տարի մի պահ էլի էս վիճակն էր ու դեղին անձրև էր գալիս:  

Հերիքա մեկը ֆեյսբուքում գրի, որ իբր ծանոթների ծանոթներից լսել է որ ատոմակայանի հետ խնդիր կա միանգամից խուճապի ենք մատնվում, մտածում որ վերջ.. մեր մահը եկել ա.. (c):  Խուճապի համար մեկ ենք ժողովուրդ.. ու նույն արագությամբ էլ հանգստանում ենք հենց Հայհիդրոմետից տեղեկություն ենք ստանում որ «վտանգավոր ոչինչ չկա»(հոյակապ ձևակերպում է !!!):  Բա «մեր մահը եկել ա»-ն միանգամից ու՞ր անհայտացավ:

Իսկ եթե լուրջ, ժողովուրդ, եթե այդքան մտահոգված եք ատոմակայանով, ինչի՞ ոչ մի քննարկում ընդհանրապես չկա ատոմակայանի խնդրի շուրջ:  Ինչի Ֆուկուշիմայից հետո շատ ու շատ երկրներում բողոքի ալիքներ բարձրացան ատոմակայանների շահագործման դեմ իսկ մենք նստած սպասում ենք երբ ու ինչա լինելու... 

Ի դեպ, եկեք քաղաքի մնացյալ «կանաչ տարածքները» թողնենք որ հատեն, անիմաստ, հիմար շենքեր կառուցեն ու մտածենք, թե քաղաքում որտեղից փոշի..

Եկեք զարմանանք, որ սննդամթերքը գնալով թույն ա դառնում,   միրգ-բանջարեղենի մեջ լիքը ծանր մետաղ կա.. ու հանգիստ նայենք ոնց ա երկիրը հանքավայր դառնում

Եկեք զարմանանք որ սողանքները շատանում են ու միաժամանակ հանգիստ նայենք ոնց են անտառները վերացնում...

Ենքան զարմանալու բան կա ժողովուրդ, նամանավանդ նրանց համար ովքեր համակարգչի մոտ նստած ոնց զարմանում/անհանգստանում են, տենց էլ հետո հանգիստ անցնում իրանց գործերին...

Գյուղատնտեսության նախարարությունը զգուշացնում է !!!
tree
mna990

 Այս գիշեր հանրապետության ամբողջ տարածքում սպասվում է ցրտահարություն: Ցրտահարության դեմ պայքարելու և հետևանքների մեղմանն համար հետեվեք պարբերաբար ներկայացվող ռադիոհեռուստատեսային տեղեկատվությանը: ՀՀ Գյուսատնտեսության նախարարություն:

Այ այսպիսի sms-ներ ստացողներ են եղել երեկ: Հիմա փաստորեն ինչա ստացվում, գյուղնախը TV-ով գյուղացիներին բացատրելուա ցրտահարության դեմ պայքարի մեթոդները, հա՞: Հետաքրքիրա, ինչ որ մեկը հետևելա՞ ինչ տեղեկատվություն են տարածում:

Ծիրան, խնձոր, դեղձ դիմացե~ք, Գյուղնախը ձեր կողքին է... փաստորեն :Ճ

(no subject)
tree
mna990
Վարչապետը կովերի մասին մտածելուց առաջ լավ կլիներ մտածեր, որ խնձորի երկիր Հայաստանում խնձորը ավելի թանգա քան նարինջը:

?

Log in

No account? Create an account